එක්සත් අරාබි එමීර් රාජ්‍යයේ සහ උතුරු එමීරයේ වසන සිංහල දූ දරුවන් වෙනුවෙන් සිංහල භාෂාව ශ්‍රී ලාංකික උරුමය සහ බුද්ධාගම ඉගැන්වීමේ අවශ්‍යතාව කලක පටන් කාගේත් සිත් තුල පැලපදියම් වු කාරනාවක්ව පැවතින. කරුණු කාරන‍ා එසේ වුවත් එම අවශ්‍යතා යටපත් කරගෙන සිටි බොහෝ දෙමාපියන් වැලි කතරට දිය බිදක් සේ දහම් පාසලක ආරම්භය පිළිබදව එම සුභ ආරංචිය කන වැටින. ක්‍රමක්‍රමයෙන් වැඩිවූ සිසුන් සංඛ්‍යාව කෙසේවත් කොන්සෝ‍ල් ජෙනරාල් කාර්යාලයට ඔරොත්තු නොදෙන තත්වයකට පැමිණි හෙයින් වෙනත් නව ගොඩනැගිල්ලක අවශ්‍යතාව මතුවිය. අද දින ඇති ගෙ‍ාඩනැගිල්ල බිහිවූයේ එම අවශ්‍යතාව මතිනි. මෙම ගොඩනැගිල්ල තැනීමට අවශ්‍ය මූල්‍ය ධනය සොයා ගැනීමට දෙමාපියන්ගෙන් සමන්විත කමිටුවක් පත් කරන ලදී.

එම කමිටුවේ සාමාජිකයින් - අනුර හේරත්, සරත් දෙවසුරේන්ද්‍ර, සුනිමල් ජයසූරිය, සුසන්ත කල්දේරා සහ වසන්ත සේනාරත්න.

කොම්ටි සාමාජිකයින් සහ ව්‍ය‍‍ාපෘති කොමිටි සාමාජිකයින් දිවා රාත්‍රියේ වෙහෙස නොබලා මුදල් ‍රැස් කිරීමේ කාර්යයේ නියලුන අතර සිසු සිසුවියන් ද කාඩ් පත් වල කොටු පුරවමින් දායක විය. ගරු කොන්සල් ජෙනරාල් සෝමසිරි මැතිතුමාද මෙම ගොඩනැගිල්ල ඉදිකිරීමේ කටයුතු වලට දායක වෙම්න් ශ්‍රී ලංකා විදේශ කටයුතු අමාත්‍යාංශයෙන්ද මුදලක් ලබා‍ දෙන ලදී.

ඩුබායි හි ගොඩනැගිලි ඉදිකකිරීම් සමාගමක් වන අල් බදර් සමාගම ‍ගොඩනැගිල්ල ඉතාමත්ම සහනදායී මුදලකට ඉදි කර දුනි.

ඒ සමගම වෙනත් ගොඩනැගිලි සමාගමක් ඉදිරිපත් වී නව දහම් පාසල් ගොඩනැගිල්ල තුල අලංකාර බුදු මැදුරක් ඉදිකර දෙන ලදී.

ගරු කොන්සල් ජෙනරාල් සෝමසිරි මැතිතුමාගේ සහ එම මැතිනියගේ ප්‍රධානත්වයෙන් හෙළ සිරිතට අනුව කිරි ඉතිරවීමෙන් නව ගොඩනැගිල්ල විවෘත කරන ලදී. මෙය අප ලැබූ විශ‍ාලතම ජයග්‍රහණයයි.
කොන්සල් ජෙනරාල් තුමාගේ පූර්ණ සහයෝගයත් ඔබ සැමගේ නොමසුරු ආධාරයත් අපගේ ධෛර්යයත් දම්වැලක පුරුකක් සේ එකට එක්වු‍ හෙයින් එම සතුට සියල්ලන් සමග එකට එක්ව විද ගැනීමට අප සමත්වීමු.

පාසල් සිසු දරු දැරියන්ගේත්, ගුරු මණ්ඩලයේත්,  දෙමාපියන්ගේත් උපකාරය මත එම නිදහස් භූමියේම අප දැයේ 55 වන නිදහස් උළෙල උත්සවාකාරයෙන් පැවැත්වීමු.

එක්සත් අරාබි එමීර් රාජ්‍යයේ සහ උතුරු එමීරයේ වසන මුලු මහත් සිංහල ජාතියේම වාසනාවට ආරම්භ කල දහම් පාලලේ මුල් අවධියේ දූ දරුවන් අකුරු ඉගෙන ගත්තේ ඩුබායි කොන්සල් ජෙනරාල් කාර්යාලයේ රැස්වීම් ශාලාවේ. ආලින්දයේ සහ මුලුතැන්ගෙයි බිම පැදුරු එලාගෙන බව මතක් කරනුයේ හද පිරි සතුටිනි. එදා පංති 4කින් ආරම්භ කල දහම් පාසල අද පංති 9කි දක්වා වර්ධනය වීම මෙන්ව අද වන විට ලියාපදිචි දරු දැරියන් සංඛ්‍යාව 360 ඉක්මවා තිබීම එහි සීඝ්‍ර වර්ධනය පිලිඔදව සාක්ෂි දරයි!

ඩුබායි හි කොන්සල් ජෙනරාල් පී. ඩී. ප්‍රනානදු මහතාගේ පූර්ණ සහයෝගය අද වන විට දහම් පාසලට ලැබී තිබීම ශ්‍රී ලංකික දරු දැරියන්ගේ ඉගෙනීමට විශාල ආශිර්වාදයක් වී ඇත.

දහම් පාසල පිලිඹද ඔබගේ අදහස් අප සමග ‍කියන්න